| La promoziun da las linguas dal chantun Grischun è integrada en la promoziun chantunala da la cultura. Ella sustegna e sviluppa mesiras per mantegnair e per promover la lingua rumantscha e taliana. Ultra da quai è la promoziun da las linguas in post da consultaziun per dumondas generalas en il sectur da las linguas naziunalas ed uffizialas.
In dals emprims puntgs centrals da la promoziun da las linguas è il sustegn finanzial da mesiras da terzas persunas (cf. projects per promover las linguas).
Medemamain sviluppa la promoziun da las linguas sezza mesiras per mantegnair e per promover la lingua rumantscha e taliana.
Ultra da quai è la promoziun da las linguas il post da contact
tar il cussegl da l'Europa, tar la confederaziun, tar instanzas
chantunalas, tar organisaziuns linguisticas sco er tar districts,
circuls e vischnancas (per dumondas generalas da linguas). Plinavant
è la promoziun da las linguas in post da documentaziun e
d'infurmaziun davart il territori linguistic dal Grischun sco er
davart la politica chantunala en il sectur da las linguas naziunalas
ed uffizialas (cf. politica da las linguas).
| 
